2007-09-30 元朗大棠行

星期日, 好充實

一早約左幾個朋友今日去元朗大棠行山, 5個家庭共有8人11狗(9隻Jack Russell, 其餘兩隻係斑點狗同牧羊犬, 好開心~

行左咁多年山, 第一次濕水, 我帶我3隻小狗行溪流, 我地4個都濕落晒水, 好彩只係腳濕晒, 不過大家都好開心, d 水仲好清涼~

行左3個鍾, 去路口士多食埋個早餐, 之後番屋企同佢地沖涼, 整好埋自己就去其中一對朋友家食大餐, 頭盆係自家製田螺局薯蓉, 第二道菜係自家製唔知咩名堂既燒排骨, 之後主菜就係唔知咩汁整羊鞍, 休息左一陣之後就食左一杯雪糕(全晚唯一買的食物), 最後就係自製芒果布丁, 真係好好味呀!

唔洗講, 大家睇圖片啦~

洗車打腊

今日用左我2個小時做左洗車同打腊, 車箱內咩都冇做過!

其實都做左好多野架喇, 首先洗車, 因為我部車比較高, 洗車頂時都要用梯, 然後抹乾車身, 因為星期日已經用左泥膠(Clay)去除污漬, 所以今日唔洗再做, 跟住就洗車呔同車軨, 用新買果支栗米刷都幾好, 好清潔光亮, 之後就全車打腊, 我用既係水腊, 所以比膏腊上得快, 不過下次我可能都會買番膏腊, 因為水腊消耗得好快, 咁即係貴! 呢隻車腊仲有一個好處, 冇粉末, 不過我銀色車睇上左腊未真係有點辛苦! 最後再抹多一層Detailer就大功告成, 真係滑過以前打既腊好多, 仲係好明顯果種, 勁!

脫牙

今日終於都做左我呢兩年好想做既事, 就係睇牙醫! 仲係一次過做左三件事~

1. 照X光片加脫一隻蛀左既智慧齒, 多謝$60加$700
2. 洗牙, 又多謝$280
3. 補左一隻蛀牙, 再多謝$240

歷時45分鐘, 多謝一共$1,280大元, 不過都係值, 真係舒服晒!

臨走前牙醫吩咐我一年後返黎再檢查, 如果記得, 我一定會!

P.S.其實我想post果隻蛀牙既相, 不過驚太嘔心, 所以都係留比自己睇啦, 哈哈~

聰明好動積羅素

今日不得不為我家小狗作一個推介, 為左佢地要update一下個Blog
上個月帶3隻小狗同其他3個狗友去雜誌社影相, 今日通知我終於都出版了

[轉載] 小故事: 歷史的慣性軌跡

鐵路的兩條鐵軌中間的距離是多少？美國是四點八五英尺，這是源自英國的鐵路路軌的標準距離。美國的鐵路最早由英國人建造。香港、中國以至全球的鐵路路軌，也可能是這個距離。

英國的鐵路路軌距離又是從哪裏來的？原來英國的鐵路路軌是由建電車軌道的人設計的，而四點八五英尺正是電車路軌的距離標準，香港的電車也可能是。那麼電車軌道的標準又從何而來？原來最先造電車的人以前是造馬車的，四點八五英尺是馬車兩個車輛的距離。為甚麼馬車的車輛要有標準的輪距呢？原來英國古代的道路上都有供馬車行走的車轍轍跡，轍跡的距離都是四點八五英尺。若馬車不按照這個標準造輪距的話，馬車的輪子很容易在道路上顛簸撞壞。

好了，那麼英國道路上車轍轍跡的距離又是怎麼得出來的呢？原來四點八五英尺來自古羅馬戰車的輪距寬度。

再追問下去：羅馬人為甚麼以四點八五英尺作為戰車的輪距?度呢？答案很簡單，這是用兩匹馬拉戰車時，兩匹馬的屁股的寬度。

這個幽默的故事似乎完了，但還沒有。美國發射航天飛機時，航天飛機兩旁有兩個火箭推進器，這些推進器是由設在猶他州的工廠製造的。如果可能的話，這家工廠的工程師希望把推進器造得再胖一些，這樣容量就可以大些，但他們不可以。為甚麼？因為這些推進器造好後要用火車運到發射點，路上要通過一些隧道，而這些隧道的寬度只比火車軌道的寬度寬一點點。

這個故事告訴我們：今天世界上最先進的運輸系統（航天飛機），它的設計是由兩千年前的兩匹馬的屁股寬度來決定的。

歷史在我們的文明發展中，留下了多麼深的慣性軌跡，我們怎能輕易地說：不要糾纏歷史，把某一事件拋在腦後呢？

狗命何價!?

今日(25/02)同狗狗行完山, 係黃石碼頭等緊車回北潭涌既時候, 有一位女士前來我地身邊, 原來佢係船家, 當然係為佢既生意啦, 寒暄左幾句之後, 佢見我地有好多隻狗, 就同我地講佢既養狗經驗, 佢話佢年前買來一隻斑點狗, 養係佢地既魚排, 好乖好聽話同好靚, 但係佢家人發覺隻狗唔識看門口, 原來當初佢地係想搵一隻會看門口的狗, 就係咁既原因佢地就張隻斑點狗遺棄於黃石碼頭, 當時我地驚聽錯或者理解錯左, 咁我地問佢係唔係就咁放走佢, 佢好理所當然咁講: "係呀", 我地又問咁之後點, 佢既回答係: "我都唔知呀, 早知你地有養狗比左你地啦, 佢好乖好聽話, 仲好靚添呀, 真係side晒..." 之後我地就冇再理佢, 冇再同佢講野, 我諗每個在場既人都各自心裡不停地講緊粗口......