星期日, 好充實

一早約左幾個朋友今日去元朗大棠行山, 5個家庭共有8人11狗(9隻Jack Russell, 其餘兩隻係斑點狗同牧羊犬, 好開心~

行左咁多年山, 第一次濕水, 我帶我3隻小狗行溪流, 我地4個都濕落晒水, 好彩只係腳濕晒, 不過大家都好開心, d 水仲好清涼~

行左3個鍾, 去路口士多食埋個早餐, 之後番屋企同佢地沖涼, 整好埋自己就去其中一對朋友家食大餐, 頭盆係自家製田螺局薯蓉, 第二道菜係自家製唔知咩名堂既燒排骨, 之後主菜就係唔知咩汁整羊鞍, 休息左一陣之後就食左一杯雪糕(全晚唯一買的食物), 最後就係自製芒果布丁, 真係好好味呀!

唔洗講, 大家睇圖片啦~